Burns Night

Burns Night takes place on the 25th of January each year, it is a supper

celebrating the birth of Robert Burns (1759-1796), Scotland's National Poet.

Haggis is often served, wi' neeps an' tatties (mashed turnip and mashed potato),

along with many celebratory toasts with Scottish Whisky.

His poetry is recited with particular reference to 'To A Haggis', 'To a Mouse',

'Tom o' Shanter', etc, and some of his songs are often sung,

'Auld Lang Syne' is sung to close the evening's celebrations,

which is also a New Year's Favourite.

See https://en.wikipedia.org/wiki/Burns_supper,

for more information on Burns Night.

Address to a Haggis

by Robert Burns

Fair fa' your honest, sonsie face,

Great chieftain o the puddin'-race!

Aboon them a' ye tak your place,

Painch, tripe, or thairm:

Weel are ye worthy o' a grace

As lang's my arm.

The groaning trencher there ye fill,

Your hurdies like a distant hill,

Your pin wad help to mend a mill

In time o need,

While thro your pores the dews distil

Like amber bead.

His knife see rustic Labour dight,

An cut you up wi ready slight,

Trenching your gushing entrails bright,

Like onie ditch;

And then, O what a glorious sight,

Warm-reekin, rich!

Then, horn for horn, they stretch an strive:

Deil tak the hindmost, on they drive,

Till a' their weel-swall'd kytes belyve

Are bent like drums;

The auld Guidman, maist like to rive,

'Bethankit' hums.

Is there that owre his French ragout,

Or olio that wad staw a sow,

Or fricassee wad mak her spew

Wi perfect scunner,

Looks down wi sneering, scornfu view

On sic a dinner?

Poor devil! see him owre his trash,

As feckless as a wither'd rash,

His spindle shank a guid whip-lash,

His nieve a nit;

Thro bloody flood or field to dash,

O how unfit!

But mark the Rustic, haggis-fed,

The trembling earth resounds his tread,

Clap in his walie nieve a blade,

He'll make it whissle;

An legs an arms, an heads will sned,

Like taps o thrissle.

Ye Pow'rs, wha mak mankind your care,

And dish them out their bill o fare,

Auld Scotland wants nae skinking ware

That jaups in luggies:

But, if ye wish her gratefu prayer,

Gie her a Haggis

Auld Lang Syne

by Robert Burns

Should auld acquaintance be forgot,

And never brought to mind?

Should auld acquaintance be forgot,

And auld lang syne!

Chorus.-For auld lang syne, my dear,

For auld lang syne.

We'll tak a cup o' kindness yet,

For auld lang syne.

And surely ye'll be your

pint stowp!

And surely I'll be mine!

And we'll tak a cup o'kindness yet,

For auld lang syne.

For auld, &c.

We twa hae run about the braes,

And pou'd the gowans fine;

But we've wander'd mony a weary fit,

Sin' auld lang syne.

For auld, &c.

We twa hae paidl'd in the burn,

Frae morning sun till dine;

But seas between us braid hae roar'd

Sin' auld lang syne.

For auld, &c.

And there's a hand, my trusty fere!

And gie's a hand o' thine!

And we'll tak a right gude-willie waught,

For auld lang syne.

For auld, &c.